Chapter 37

NAGKAMALI si Angelu. Akala niya ay wala siyang magiging problema kay Timothy at hindi ito magagalit sa pag-alis niya subalit nang makarating siya sa Tarlac kung saan ang probinsiyang kinaroroonan ni Xander, ay doon niya nakita ang maraming text ni Timothy, na hindi niya kaagad nabasa dahil naubusan ng baterya ang cell phone niya at hindi siya nakapagdala ng power bank.

Gabing-gabi na pero nasa labas lang si Angelu ng bahay at panay ang tingin sa cell phone at paulit-ulit na binabasa ang mga text ni Timothy. Napapailing at napapabuga siya ng hangin dahil sa kaba na nadarama.

Timothy:

Anong sinabi ko sa’yo, Angelu! Ang sabi ko ayokong kung saan-saan ka nagpupunta pagtapos mababasa ko ang text mo, na sasama ka sa kapatid ni Mr. Fuentivilla at sa probinsiya pa, na hindi mo man lang ako naka……