Chapter 20

MATAPOS kumain sa Mcdo ay nag-aya si Giana na magpunta sila ng grocery store ng mall dahil gusto niyang bumili ng chocolates, tsitsirya at iba pang kutkutin na p’wede nilang kainin habang nasa bahay. Hindi naman tumanggi si Louie kaya ngayon ay nasa grocery store na sila at si Giana at Juana ang namimili ng gusto nilang bilhin. Si Louie ay tahimik na sumusunod lang kay Giana habang tulak-tulak naman ang grocery cart. Mabuti na lang ay mula pa kaninang nagpunta sila ng mall ay wala siyang naririnig na reklamo sa asawa at sa tuwing humihiling siya kung anong gusto niyang bilhin ay lahat pumapayag ito at kahit magtagal pa sila sa mall kasama pa si Juana. Natutuwa si Giana dahil mabait ngayon si Louie at ipinagpapasalamat din niya iyon. Kahit pa kanina ay binantaan siya nito dahil sa Betti……