Soul of the Vampire Princess (STOP UPDATE)

PROSERFINA Fantasy

Maagang naulila si Ailee dahil sa pagkamatay ng nanay niya matapos siyang ipanganak. Wala din siyang kinilalang ama dahil matapos mabuntis ng kanyang ina ay iniwan na sila nito. Simula noon ay ang tiyahin na niya ang kumupkop sa kanya at nagpalaki. Ngunit nang magkaroon na ng sariling asawa ang kanyang tiyahin ay nagsimula ang kalbaryo sa buhay niya. Nag-iba din ang pakikitungo nito sa kanya lalo na nang magkaroon ito ng mga anak. Kaya habang lumalaki siya sa poder ng mga ito ay panunumbat, pagpapahirap at pananakit ang dinanas niya sa mga ito. Sa kabila noon ay hindi pa rin siya nawalan ng pag-asa. Ginawa niya ang lahat para mapagsabay ang pagtatrabaho at pag-aaral dahil nais niyang makatapos, nang sa ganun ay mabalik niya ang utang na loob na palaging isinusumbat ng mga ito sa kanya.
Ngunit hindi naging madali ang lahat dahil may balak pala ang tiyuhin niyang ibenta siya sa isang matandang mayaman na mahilig sa magaganda at batang babae. Kapalit ang malaking halaga. Tumakas siya sa hotel na pinagdalhan sa kanya hanggang mapunta siya sa rooftop ng hotel ngunit nahabol pa rin siya ng mga tauhan nito. Sa takot na maaring gawin nito sa kanya ay nagpasya siyang tapusin na ang kanyang buhay.
Nang magising siya ay nasa hindi pamilyar na lugar na siya. At laking gulat niya dahil, nagising siya hindi bilang si Ailee kundi bilang si Thana. Ang napakagandang prinsesa ng mga bampira na hinahangan ng mga tapat na tagasunod at kinakatakutan ng mga kalaban dahil sa walang awa nitong pagpaslang at walang emosyon nitong pagkatao. Makabalik pa kaya siya sa tunay niyang katawan? Paano kung ipakilala siya sa magiging kanyang kabiyak na si Devon? Prinsipe ng Vampira sa malayong emperyo. Mahulog kaya ang loob nila sa isa’t-isa kung alam niyang halimaw ang tingin nito sa kanya?

Unfold