Urban Legend (Juan Lucas, The Father of My Child)

Dani Alba Romance

Juan Lucas Urbano was the hottest guy in town. Bukod sa sikat at ubod ng gwapo, nagmula rin ang binata sa isang kilalang pamilya na may-ari ng pinakamalaking universidad sa kanilang lalawigan.
May mga kwentong umiikot sa kanilang bayan- may expiration date daw ang mga babae para kay Lucas at walang tumatagal nang isang linggo sa mga naging girlfriends nito. May mga nabuntis pa nga raw ang binata, pero hindi pinanagutan at sa halip ay ipinalaglag ang sanggol at saka binayaran ang babae ng malaking halaga kapalit ng pananahimik.
Hindi naman alam ni Jessabell Cabrera o Jessie kung maniniwala siya o hindi sa mga kwentong iyon. Kilala lang naman niya ang pamilya Urbano, pero walang dahilan o pagkakataon para magtagpo ang mga landas nila ng isa man sa mga miyembro nito. Magkalayong-magkalayo ang mundong ginagalawan nila ni Lucas at isa pa, napakabata pa niya para intindihin ang mga ganoong bagay. Ano namang pakialam niya kung babaero nga ito at marami nang nabuntis?
Subalit ang tadhana ang naglapit sa kaniya sa mundo ng binata. Sa tulong ng isang pilantropo, pinalad si Jessie na makakuha ng scholarship at makapasok sa universidad kung saan nag-aaral si Juan Lucas Urbano.
Mula noon, mas madalas na niyang nakikita ang binata hanggang isang araw ay tuluyang nagkrus ang mga landas nila. Hindi naitanggi ni Jessie sa sarili ang totoong nararamdaman. Sa unang pagkakataon ay agad siyang sumama at bumigay sa umuusbong na damdamin para kay Lucas. Buo ang loob niyang isinuko ang sarili sa binata. Iyon na rin ang huling beses na kinausap siya ni Lucas at ang pinakamasakit, naiwan siyang nagsisisi at luhaan at buntis sa edad na dies y siete.

Unfold