One More Chance

Lovella Novela Romance

“Where are you going?” ang tanong nito na halatang galit.
“Bakit ka nandito?”
“Gusto mo talagang mag away kami ng kuya mo ano? Kakalabas mo pa lang ng hospital ay lalabas ka na agad? Ano hindi mo matiis na hindi makita ang kung sino mang lalaking kakatagpuin mo?” ang galit na tanong pa rin nito na ikinagalit din naman ni Monique.
“Eh ano kung lumandi man ako? Tsaka hindi naman ito malalaman ng kuya ko kung hindi ka bumalik. At bakit ka nga ulit nandito?” ang galit na sunud sunod na tanong din ng dalaga.
“Lalandi? Wala talaga akong pakialam sa kakatihan mo! Ang sa akin lang ay ipinagkatiwala ka sa akin ng kuya mo kaya ako bumalik dahil naalala kong hindi ka pa kumain, eh mukhang mas gusto mong madiligan kaysa ang lamnan ang tiyan mo kaya sige go ahead!”
“Talaga! Tsaka baka may lason pa yang dala mo. Mas gugustuhin kong kumain ng basura kaysa kainin ang anumang pagkaing galing sayo. At kahit gutom ako, kapag kasama ko ang lalaki ko ay busug na busog pa rin ang pakiramdam ko. Hindi kagaya kapag pag mumukha mo ang nakikita ko!” sagot naman ni Monique sabay hawi sa binata para makalabas na siya.
“Ah, ganun?” ang sabi naman ni Drix sabay hila sa kanya sa loob ng condo tapos ay isinara ito. Isinandal niya sa likod ng pinto ang dalaga sabay hinalikan. Hindi naman nakahuma si Monique dahil sa pagkabigla. At ng mahimasmasan ay agad niyang itinulak ang binata ngunit mukhang handa na ito sa gagawin niya dahil hindi niya ito natinag.
Patuloy ang naging paghalik ng binata sa kanya at ginalugad ang bawat bahagi ng kanyang bibig at ng mahagilap ang kanyang dila ay walang pasumandaling sinipsip pa niya ito. Nawala na sa kanyang sarili si Drix at tanging ang kasiyahang nararamdaman ang nanaig sa kanya.
Samantala, unti unti nang nakakaramdam ng panghihina ng kanyang tuhod si Monique at ilang sandali pa ay nakakunyapi na siya sa leeg ng binata habang tinutugon ang kanyang halik. Nagulat man ay binalewala na iyon ni Drix at nasisiyahan sa naging pagtugon ng dalaga.

Unfold