LUMAYO KA MAN SA AKIN (The Billionaire's Mistress)

LADY JEZA Romance

Sa mga palabas lang nakikita ni Queenie na kapag mahirap ka at nasa bingit ng kamatayan ang mahal mo sa buhay, kakapit ka sa patalim. Pero para sa dalaga, ganoon din naman ang gagawin niya kung sakali. Hindi lang niya akalain na talagang mararanasan niya iyon nang mangailangan ng operasyon ang kaniyang nag-iisang kapatid at malaking halaga ang kailangan.
At nang mag-krus muli ang landas nila ng batang CEO na si King Hidalgo, hindi na nagdalawang isip pa si Queenie na humingi ng tulong na tinanggap naman nito. Kahit pa inaasahan na niya na hindi iyon madali dahil ito lang naman ang lalaking labis niyang sinaktan sa nakaraan.
“Well, hindi ka naman nagkamali ng nilapitan. As you can see, I can give you three million without breaking the bank. Puwede ko pa iyong triple-hin. Lahat ng expenses ng kapatid mo, sasagutin ko. Hindi mo na rin poproblemahin ang donor niya. But of course…” Tumigil ito sandali bago ngumisi, “it comes with a price.”
“Ano ba ang gusto mong maging kapalit ng pagtulong mo sa kapatid ko, King?”
“Be my mistress.”
Naguluhan si Queenie.
Kaya nga ba niyang kumapit sa patalim alang-alang sa kapatid kahit alam niyang may masasaktan na naman siyang tao at iyon ay walang iba kundi ang asawa ni King Hidalgo?

Unfold