My Pretty King

midnyt_princess Romance

Pinangarap mo bang mag aral sa isang mala-palasyong University? Kung saan ang mga nag aaral ay hindi lang basta mga mayayaman at matatalino kung hindi ay mga gwapo pa?

Malamang ay oo, ang bongga di ba?

Ganito kasi ang naging kapalaran ni Yanna Cruz, isang babae na nagbihis bilang isang lalaki dahil sa kagustuhang makatulong sa kanyang mga magulang.

Sa murang edad ay naranasan na ni Yanna ang hirap ng buhay nung ang kanyang pamilya ay nabaon sa malaking pagkakautang.

Pero tulad nga ng sabi nila ay may mababait na tao pa rin sa mundo. May nagbayad ng utang nila pero humingi ang mga ito ng kapalit.

Bilang kabayaraan ay kinailangan ni Yanna na mamuhay at mag aral bilang kapalit ni Iyan Earl Verde - ang taga pagmana ng Grand Midori Corporation. Ito ay isang kumpanya na lumilikha ng mga makabagong teknolohiya.

Sa tulong ng Body Miracle device (na nag enhance ng katangian at pisikal na itsura ni Yanna upang mag mukhang lalaki) na ginawa ng GMC, matagumpay na nakapasok si Yanna sa prestihiyosong paaralan ng King's Pride University - isang all-boys school.

Kailangang galingan ni Yanna ang pagpapanggap nya hanggang sa makabalik ulit si Iyan at pumalit sa pwesto nya.

Maayos na nga sana ang lahat para kay Yanna kung hindi lang nalantad ang sikreto niya kay Rollo Zhang Tiu (anak ng may-ari ng school). Nagkataon pa na kaklase niya ito at kasama rin niya sa kwarto.

Hindi nito matanggap na may kasama siyang babae na manloloko kaya pinalayas nya si Yanna sa kwarto at pinagbantaang isusumbong sa school director nila.

Paano ito malalampasan ni Yanna? Ito na ba ang katapusan ng kanyang palabas?

Unfold