TRIANGULO (FILIPINO / TAGALOG)

Jazz Mine NewAdult

Gustong kalimutan ni DM ang kaniyang masamang karanasan sa taong umampon sa kanya. Kaya naman nang magkaroon siya ng pagkakataon na makatakas ay ginawa niya. Nagpakalayo-layo siya at suwerteng napunta siya sa poder ng kanyang Fairy Sweet Mother na si Mama Sweet.


Kasabay sa paglimot ng kanyang nakaraan ay ang pagharap naman sa bagong buhay.


Hindi siya nakatuntong ng kolehiyo kaya kailangan niya pag-tyagaan ang ano mang trabaho na maibibigay sa kanya ng pagkakataon. Hindi na siya nag-atubiling pumasok bilang katulong para na rin sa pagbabagong buhay na nais niya nang mairekomenda siya ng kanyang Mama Sweet sa regular customer nito sa salon. 


Si Rint, guwapong arkitekto na may magandang katawan. Ngunit sa likod ng kanyang kagwapohan ay ang tinatagong nakaraan na gusto niya kalimutan.


Si Reymark, masayahin na anak at kapatid. Ngunit ang kaniyang ngiti ay isa lamang palabas dahil sa sikreto na tinatago niya sa kaniyang pamilya.


Si Red Jim, nang dahil sa isang trahedya ay napilitan ang kaniyang pamilya na lumipat sa ibang lugar para makalimutan niya ang kaniyang nakakatakot na karansan.


Apat na tao na may magkakaibang personalidad at paniniwala. Apat na tao na may malungkot at masakit na nakaraan. Pagtatagpuin ng pagkakataon. Pagtatagpuin sa magulong sitwasiyon.


Ano ang mangyayari kung magsama ang apat na nilalang na ito sa iisang bahay? Matutunan kaya nila na kalimutan ang kanilang masalimuot na nakaraan sa tulong ng bawat isa? O baka mas lalo lang lumala at gumulo sa pag-iibigan na uusbong sa loob ng bahay. Naku, tiyak na magulong trianGULO ito!

Unfold