WHISPER'S OF A MURDERER
READING AGE 12+
Sa pinakamadilim na sulok ng gabi, kung saan ang bawat hinga ay may kasamang takot, dalawang magkapatid—Lara at Ben—ay nahuhulog sa impyernong hindi nila ginusto. Iniwan ng sariling ina at inalipin ng isang amang hindi marunong magmahal, ang kanilang pagkabata ay unti-unting gumuho sa ilalim ng kalupitan.
At sa unang bugso ng istorya, isang matandang lalaki ang nagsilbing anino ng kapalaran—Mang Damian.
> “Dito kayo nararapat… kayo ang magbabayad sa ginawang kataksilan sa akin ng inyong ina…”
sabay niyang isinara ang bakal na pinto—KLANG!—at umalingawngaw ang kalawang nitong tunog sa sahig na sementong basag-basag.
Dito nagsimula ang bangungot.
Pero ang bangungot ay may hangganan—at ang paghihiganti, minsan, iyon ang nagiging tanging liwanag.
Pagkalipas ng mga taon, si Lara, nakatakas, nagbago ng mukha, ng pangalan, ng buong pagkatao—isang multong nagbalik para maghabol ng hustisyang ipinagkait sa kanila. Sa dilim, naghilom ang sugat… pero hindi ang galit.
Sa kanyang pagbabalik, tinarget niya ang isa sa pinakamakapangyarihang nilalang sa lungsod—Atty. Manuel, isang taong may ngiti sa publiko ngunit nababalutan ng kasalanang pilit niyang nililibing. Pero ang mga multo, lalo na ng nakaraan, hindi basta-basta tumitigil.
Habang dumarami ang bangkay, habang lumalalim ang mga sikreto, unti-unting lumalabo kung sino ang biktima at sino ang tunay na halimaw.
Pumasok sa eksena sina Detectives Leumas Nugas at Bhie Rambonanza Inson, mga alagad ng batas na unti-unting natatrap sa laro ng ilusyon, kapangyarihan, at dugo. Sa mundong puno ng maskara, paano mo makikita ang katotohanan?
At si Ben? Siya ang aninong sumusunod, ang gunting na tahimik pero handang pumutol ng sinumang haharang sa kapatid. Magkapatid silang nilamon ng kahapon—at handang lumaban, anuman ang kapalit.
“Whispers of a Murderer” ay hindi lamang kuwento ng paghihiganti. Isa itong babala. Sa bawat bulong sa kadiliman, may kaluluwang naghahanap ng hustisya. At hanggang hindi sila naririnig… hindi sila titigil.
Handa ka na ba? Dahil sa mundong ito, ang bawat lihim ay may kabayaran—
at ang huling hinga… maaaring hindi galing sa kaaway, kundi sa sarili mong budhi.
Unfold
Ang buwan ay mataas at maliwanag sa langit, ngunit kahit gaano kaliwanag, tila may mga anino na mas malalim kaysa sa dilim sa Jergens Subdivision. Sa bawat sulok, ang katahimikan ay halos nakamamatay—tila ba ang hangin ay may dala-dalang babala. Sa loob ng bahay ni Lara, nakaupo siya sa tabi ng malaking bintana, naka-crossed legs at nakatuon sa ……
Waiting for the first comment……