Marahuyo

Anj Jimenez Fantasy

Matagal ng panahon ang nakalipas, daan-daan at samu't saring elemento ang nagpapakita sa kalaliman ng gabi. Nang mga panahong iyon, pagmamay-ari ng mga elemento ang gabi at ang umaga nama'y sa mga tao. Karaniwan lamang ang ganoong pangyayari sa lumang panahon. Ngunit sa pagdaan ng maraming taon, nawala ang mga elemento at nabubuhay na lamang sa kuru-kuro at kuwento.

Bata pa lamang ay naniniwala na si Eeya na totoong nabubuhay ang mga elemento dahil na rin sa impluwensya ng kanyang Lola Esting. Matapos mawala ang kanyang lola, nanatili si Eeya sa kanilang munting templo upang kanyang alagaan.

Mag-isa man ay hindi nawalan ng inspirasyon si Eeya dahil sa bagong ka-eskwela niyang si Joaquin. Hindi man naging maganda ang kanilang unang pagkikita ay gagawin niya ang lahat para mapalapit ang loob nito sa kanya.

At sa pagdating ng araw ng paghahandog na siyang kapistahan ng pasasalamat sa kanilang baryo, isang misteryosong lalaki ang dumating upang magdasal. Unang tingin palang ni Eeya sa kanya ay alam niyang may kakaiba na rito.

Hindi nagkamali si Eeya sa kanyang hinala. Dahil mismo sa kanyang harapan ay nag-iba ng anyo ang lalaki at kanyang nakilala ang kinatatakutan ng lahat ng elemento-- si Isagani.

Unfold