INFINITY 8 SERIES 2: FIRE AND FLAME

Redd Ynna Romance

Matapos ang mahabang panahon ng pagsabak sa mga misyon, nagkaroon na rin ng pagkakataon si Andriette Del Carmen upang makapagpahinga.

Pinili niyang mag-travel at gugulin ang tatlong buwang bakasyon sa pananatili sa bundok ng Sierra Madre- Ang lugar na noon pa man ay pangarap niya ng akyatin at masilayan..

Subalit hindi niya inasahan ang problemang sasalubong sa kanya sa napakagandang lugar na iyon. Ang nakakabahalang plano ng gobyerno na makakabuti para sa mamamayan ng Manila subalit makakasama naman sa kalikasan gayundin sa mga katutubong naninirahan doon.

Dahil likas na mapagmahal sa kalikasan si Andriette, ang plano niyang pagrerelax ay nauwi sa tahimik na pakikipaglaban sa gobyerno.

Subalit hindi nakaligtas ang plano niya kay Dominic Asusacion- siya ang bunsong anak ng isa sa pinakamayamang pamilya sa bayan na iyon. Ang pamilyang kumukumbinsi sa mga katutubo na iwan na ang kanilang mga bahay at lumipat sa Relocation Center.

Ang bawat pagkikita ng dalawa ay nauuwi sa kumusyon at away. Hanggang dumating ang pagkakataon na babago sa galit na nararamdaman nila para sa isa't-isa. Isang gabing wala silang pagpipilian kung hindi ang asahan ang isa't-isa.
Ang gabi kung saan pareho nilang natuklasan ang bagay na hinahanap ng kanilang mga puso.

Mabago kaya ng isang gabing iyon ang taliwas na ipanaglalaban ng bawat isa sa kanila? Sino ang handang magpaubaya?

Unfold