Love with Vengeance

Ning_ning Romance

"Isa ka lang ignorante at mang-mang na babae, Alyana. Huwag mong isipin na kaya kita kinupkop sa poder ko ay dahil kagaya mo may nararamdaman din ako sa iyo. Masyado ka lang ambisyosa kung iniisip mong magkakagusto ako sa iyo," galit na sigaw ni Noah sa kanya.
Napakurap-kurap si Alyana dahil nagbabadya na namang tumulo ang kanyang luha. Masakit, sobrang sakit ng mga binitawan nitong salita. Oo, hindi siya edukada at isa siyang mamamatay-tao, pero ito ang lumapit sa kanya. Ito ang pumasok sa nanahimik niyang mundo.
Iningusan siya ni Noah at itinapon sa harap niya ang divorse papers nilang dalawa. Lahat pala ng magagandang alaala nila ay puno lang ng pagkukunwari. Ginamit lang pala siya nito para paghigantihan ang pagkamatay ng kapatid nitong si Veronica at para makuha ang mana na iniwan sa kanya ng ama kapalit ng pagpapakasal niya sa lalaki.
Luhaang dinampot ni Alyana ang divorse papers at sa nanginginig na kamay ay pinirmahan niya ito. Tumayo siya at inilapag ang papel sa mesang kinauupuan ni Noah.
"Pinapalaya na kita sa sitwasyong nagpapagulo sa buhay mo. Ganito kita kamahal, Noah, pero salamat din sa iyo dahil napalaya mo ako sa sitwasyong para akong sinasakal. Maraming salamat sa magagandang alaala na binigay mo, kahit lahat ng iyon ay pagkukunwari lamang. Aalis ako at hinding-hindi na babalik pa sa buhay mo," isang malungkot na ngiti ang ibinigay ni Alyana sa lalaki bago siya umalis sa harapan nito.
Tinawagan niya ang kaibigan niyang si Cedric. Magpapatulong siya dito na umalis ng bansa at tuluyang lumayo mula sa mundo ni Noah.
**INYO PONG SUBAYBAYAN ANG MALA-FAIRYTALE NA KWENTO NI NOAH AT ALYANA NA PINAMAGATANG *LOVE WITH VENGEANCE*.
Maraming salamat po!

Unfold