Rebecca (SPG)

CMA Romance

Rebecca o Beka ay kilala sa kanilang lugar na sleeping beauty. Maganda pero mabilis mapagod kaya madaling makatulog. Kung gising naman ay sobrang bibo, masayahin at makulit na dalaga. Pagkatapos niya ng high school ay siya na ang pumalit sa kanyang Ina na manilbihan sa mga Del Mar. Ang pinakamayaman na angkan sa kanilang lugar. Ang kanyang trabaho ay ang alagaan ang anak ng kanilang amo na lumpo. Strikto ang mga Del Mar at mababa ang tingin sa mga kasambahay. Kung gaano kasungit ang ina ay mas lalo na ang kanyang aalagaan.Paano kung mahulog ang loob niya sa suplado niyang amo na isang dekada ang tanda sa kanya?
"Ma, lumpo man ako pero kahit kailan ay hindi ako papatol sa isang kasambahay. I am not that desperate!" Galit na sigaw ni Jace sa kanyang Ina. Habang ako ay parang nabuhusan ng malamig na tubig.
"Mabuti naman, isa lang siyang utusan at basura!" Sagot din ng kanyang Ina na inirapan ako. Napayuko ako at pinipigilan ang pagtulo ng aking luha.
"Jace kung hindi mo ako gusto bakit mo ako hinalikan?" Naiiyak na tanong ko at nakakainsultong tinignan niya ako mula ulo hanggang paa.
"I am just giving you what you wanted." Malamig na sagot niya.
"Hindi ko gusto na halikan mo ako, mahal kita kaya nagpahalik ako. Mahal mo din naman ako hindi ba?"
"Hoy muchaha, ang kapal naman ng mukha mo na itanong yan sa anak ko, lumayas ka sa mansion ngayon din patay gutom!" Galit na pang-aalispusta ng kanyang Ina sa akin.
"Jaceeee!" Sigaw ko pero parang wala siyang narinig ng hinila ng kanyang ina ang aking buhok at kinalakad papalabas sa kanilang bahay."Jace mahal na mahal kita!" Sigaw ko kasabay ng pagbagsak ng aking katawan sa lupa dahil sa malakas na pagtulak nila sa akin.
Iniwan nila ako sa gate at hindi man lang ako sinilip si Jace. Nadurog ang aking puso at patuloy ang pagdaloy ng aking luha dahil pinaasa niya ako, ginawang katatawanan sa harap ng mga tao na naninilbihan sa kanila at dating kasintahan.
Paano kung bumaliktad ang mundo at isa na siyang sikat na Doctor sa buong mundo. Na siya lamang ang makagamot kay Jace para muli itong makalakad?
May second chance pa ba o bubuksan niya ang kanyang puso sa ibang lalaking nagmamahal at gumabay sa kanya para maabot ang kanyang pangarap.

Unfold