A STRANGE AFFAIR

Ate J LGBT+

Si Clariza Mallari o kilala bilang Cali ay may pusong lalaki na umibig sa kapwa niya babae. Kilala siya sa kanilang lugar dahil halos lahat ng magagandang dilag ay kanyang natitipuhan. Ngunit wala man lang ni isa ang sa kanya'y nagparamdam ng pag-ibig na inasam.
Hanggang sa nakilala niya si Heide Alegre ang babaeng nagbigay at naglaan sa kanya ng oras at atensyon. Nahulog ang loob nila sa isa't-isa na kailanman ay hindi niya naisip na mangyayari pa. Dahil halos lahat ng babaeng niligawan niya noon ay binasted at iniiwasan siya.
Tutol ang lahat sa kanilang pag-iibigan lalo na ang kanyang ama dahil mali raw ang umibig sa parehong kasarian at kasalanan ito sa panginoon. Kinutya sila ng karamihan kasi salot raw sa lipunan ang kanilang pagmamahalan.
Ngunit sa kabila ng lahat ng pinagdaanan ay ipinaglaban pa rin nila ang kanilang bawal na pag-iibigan dahil nangako sila sa isa't-isa na walang makakasira ng kanilang pag-ibig kailanman at magiging sila hanggang sa dulo ng walang hanggan. Kahit sino pa man ang humadlang dahil ang tunay na pag-ibig ay may paninindigan.
Pero saan nga ba sila dadalhin ng kanilang kapalaran kung ayaw sa kanila ng sambayanan? Paano nila sisimulan ang buhay na magkasama kung ang lahat ay tutol sa kanilang pagmamahalan? Kaya ba nilang panindigan na ang pag-ibig ay pangkalahatan at hindi basehan ang kasarian sa dalawang pusong nag-iibigan?
Mapapatunayan kaya nila sa lipunan na ang pagmamahal ay walang pinipiling kasarian?

Unfold