A Story for Caroline

Mattia June Fantasy

Maraming kulay ang mundo, pero hindi lahat ay nabiyayaan ng pagkakataong makita ito. Bawat sinag ay may halaga, may saysay...may kuwento. Tulad ng sampung magkakapatid na anak ng mag-asawang Henry at Anna Cruz. Sampung kuwento ng hinanakit, pag-ibig, galit at pait ng buhay. Ngunit bawat isa sa mga ito ay mahalagang bahagi ng pagkatao ni Caroline, ang pangsiyam sa sampung Cruz. Ang manika at komikera ng pamilya na may mataas na pangarap para sa kaniyang mga kapatid. Kailanman ay hindi niya ininda ang pagod at puyat, dahil inspirasyon niya sa araw-araw ang pangarap na buhay para sa mga ito.
Sa lahat ng ito ay katuwang naman niya ang maunawain at mabait niyang nobyong si Billy, ang kababata niyang nagbuhat sa isang mayamang pamilya na siya ring nagbigay ng hanapbuhay noon sa kaniyang mga magulang.
Hanggang isang araw ay bigla na lang dumating ang suwerte sa buhay ni Caroline nang matanggap siyang executive assistant ng isang matandang mayaman, si Don Ferdinand Marciano. Pinagtiwalaan siya nitong mamahala sa mga negosyo nito at nang mamatay ay pinamanahan ng lahat ng ari-arian ng matanda. Ngunit isang araw ay bigla na lamang kumulubot ang balat ni Caroline, pumuti ang buhok at tumanda ang anyo. Ang mga paa at binti nito ay hindi maigalaw. Nagmistula itong isang matanda na inaakay na lamang upang makalakad. Hanggang ang kaya na lamang nitong gawin ay ang makinig sa mga kuwento ng nakababata nitong kapatid na si Aida.

Unfold