alfiellore
ABOUT ME
ABOUT ME
STORY BY alfiellore
Owning My Uncle's Bestfriend (SPG)
Reads
Isa si Venezia sa mga babaeng pinagpala sa lahat ng bagay dahil maganda siya, sexy, matalino, at saka mayaman pa. Halos wala siyang kapintasan kaya naman marami siyang manliligaw at halos lahat ng mga manliligaw niya ay puro galing sa mayayamang pamilya kagaya niya. Sa dinami-rami ng mga manliligaw niya ay wala man lang siyang nagustuhan kahit isa dahil ang katuwiran niya ay hindi pa siya handang pumasok sa isang relasyon dahil bata pa siya. Subalit, mag-iiba ang lahat ng mga pinaninindigan niya sa buhay ng makilala niya si Quinnell Anderson ng minsan na magbakasyon siya sa poder ng tiyuhin niya sa probinsya. Si Quinnell ay matalik na kaibigan ng tiyuhin niya at unang tingin niya pa lang sa lalaki ay nahulog na agad ang loob niya sa hindi niya malamang dahilan. Halos lahat ng magagandang katangian ay taglay na ni Quinnell dahil matangkad ito, guwapo, kayumanggi, matipuno, matangos ang ilong at perfect din ang jawline nito. Ang problema, suplado ang lalaki dahil sa tuwing lumalapit si Venezia rito ay lagi siya nitong ipinagtatabuyan kaya naman isang desisyon ang mabubuo sa isip niya para hindi na siya nito ipagtabuyan kahit kailan. Magtagumpay kaya si Venezia sa plano niya para makuha si Quinnell o maiinis lang lalo si Quinnell sa kaniya?
Updated at
Impregnated By My Father's Step-Brother (SPG)
Reads
Lumaki si Kaycee na walang natatanggap na pagmamahal mula sa kaniyang pamilya. Alipin lamang ang tingin sa kaniya ng dalawa niyang kapatid at malas naman sa paningin ng kaniyang mga magulang. Araw-araw ay tinatanong niya ang kaniyang sarili kung bakit ganoon ang pakikitungo sa kaniya ng sarili niyang pamilya pero wala siyang makuhang sagot. Minsan iniisip niya na baka hindi niya totoong kamag-anak ang mga kasama niya sa bahay lalo pa't iba ang kaniyang hitsura kumpara sa mga ito. Pero, wala naman siyang ebidensya na magpapatunay na hindi niya nga kamag-anak ang mga taong nakakasama niya araw-araw. Isang araw ay nagulantang siya sa sinabi sa kaniyang ama. Hindi na raw muna siya mag-aaral ng kolehiyo dahil wala na raw silang pera. Ang dalawa raw kasi niyang kapatid ay hindi pa tapos sa pag-aaral. Kung gusto niya raw mag-aral ay kailangan niyang magtrabaho at patapusin muna ang mga kapatid niya na labis niyang ipinagtaka. Hindi pa man siya pumapayag ay bigla na lang siyang kinaladkad ng kaniyang ama papunta sa lalaking sinasabi nito na tiyuhin niya raw. Mayaman daw ang lalaki kaya malaki ang magiging suweldo niya bilang kasambahay. Maayos ang naging buhay niya sa piling ni Hadley na kapatid ng kanyang ama pero kalaunan ay biglang mag-iiba ang ugali ng lalaki. Gusto kasi nito na lagi lang siyang nasa tabi nito at ang malala pa ay gusto na nitong magkaanak at siya ang gusto nitong punlaan. Hindi niya tuloy alam kung tatakasan niya ba ito o tatanggapin na lang ang kapalaran niya tutal wala rin naman siyang mapupuntahan pa dahil hindi naman siya mahal ng sarili niyang pamilya.
Updated at
My Mother's Ex-Boyfriend (SPG)
Reads
#TagalogWritingContest #LoveGamewiththeHotBillionaire-Multi Profession Billionaire Sa loob ng maraming taon ay tiniis at inunawa ni Anastasia ang mga pinaggagawa ng mga magulang niya. Ang nanay niya kasi ay hindi makausad mula sa nakaraan dahil hindi naman daw nito minahal ang ama niya. Ang ama naman niya ay walang ibang ginawa kun'di uminom ng alak at mambabae imbes na tulungan ang ina niya para makalimutan ang nakaraan. Nagsama lang daw ang dalawa dahil nabuntis ito sa kaniya kaya pakiramdam niya ay siya ang puno't dulo kung bakit wala siyang masayang pamilya. Sa sobrang sama ng loob ay naisipan niyang lumayo sa mga magulang niya para magkaroon siya ng peace of mind. Hindi na kasi talaga niya kinakaya ang sitwasyon sa bahay nila kaya naman sumama siya sa kaibigan niya na umuwi sa probinsya nito para makalayo. Paano kung sa pagsama niya sa kaibigan niya ay matagpuan niya ang lalaking hindi makalimutan ng kaniyang ina? Sasabihin niya ba sa ina niya na natagpuan niya na ang taong hindi nito makalimutan gayong baliw na baliw na siya sa yakap at haplos nito?
Updated at
His Brainless Maid Is An Assassin
Reads
Isa si Jordan sa mga lalaking ayaw magkaroon ng kasambahay dahil iniisip nito na baka spy ang makuha niya na maaaring sumira sa kaniya, sa pamilya niya o ‘di kaya'y sa mga kaibigan niya. Isa lang talaga ang pinagkakatiwalaan nito at ‘yon ay walang iba kun'di si Aling Tasing. Ang Yaya niya na nagpalaki sa kaniya na araw-araw nagrereklamo dahil hindi na nito kinakaya ang mga trabaho sa loob ng bahay niya lalo pa't kuba na ito dahil sa katandaan. Isang araw, umalis ito para mamalengke pero pagbalik nito ay may kasama na itong babae na marumi, 'di maipinta ang mukha at puro pa sugat ang katawan. Nang tanungin niya si Aling Tasing kung saan nito napulot ang babae ay hindi siya nito sumagot bagkus ay tinarayan pa siya nito at pinapili. Kapag hindi niya raw tinanggap ang babaeng kasama nito dito sa bahay niya ay lalayasan daw siya nang matanda para maranasan niya raw kung ano ang nararanasan nito. Dahil doon ay pikit-mata niyang tinanggap ang babaeng kasama nito na nagngangalang Petra Paraiso. Ang babaeng magbibigay sa kaniya ng walang hanggang problema pero hindi niya mapaalis-alis dahil kay Aling Tasing. Paano kung sa kabila ng paghahanap niya ng dahilan para mapalayas ito ay matuklasan niya ang lihim ni Petra? Palalayasin niya pa kaya ito o poprotektahan ito mula sa mga taong nais itong burahin sa mundo?
Updated at
His Pervert Driver
Reads
"I don't like the way you smile, the way you dress, the way you talked, the way you walked, Angela. In short, I don't like you and I hate everything about you." -Carl Allen Aragon Simula nang maging personal driver si Angela ni Allen ay lagi na lang mainit ang ulo ng lalaki sa kaniya. Pero imbes na patulan ang lalaki ay lagi niyang ipinapakita na hinding-hindi siya maaapektuhan sa pagsusungit nito. Kahit kasi galit na galit na ito ay ngumingiti pa rin siya at ipinagmamaneho ito ng buong puso at buong pag-iingat dahilan para unti-unting mahulog ang loob ng binata kay Angela. Pero, paano kung kailan naman naging maayos ang pakikitungo sa kaniya ni Allen saka naman nito natuklasan ang itinatago niyang sikreto? Muli bang masasaktan si Allen sa pangalawang pagkakataon o may happy ending na siya kay Angela? -Carl Allen Aragon & Angela Sophia Mondragon love story-
Updated at
Intention
Reads
Si Callynn na yata ang pinakamalas na babae sa balat ng lupa. Paano ba naman kasi, wala pa ngang isang taon simula nang mamatay ang ina niya ay nag-asawa kaagad ang ama niya. Ang masaklap pa ay isang chismosa, bungangera, mukhang pera ang nakuha nito. Sa tuwing hindi niya kasi ito naaabutan ng pera ay lagi siya nitong sinusugod sa pinagtatrabahuhan niya at ipinapahiya dahilan para matanggal siya sa kompanyang pinapasukan niya kaya naman pag-uwi niya ay sinagot-sagot niya ito. Pero, imbes na siya ang kampihan ng ama niya ay tinulungan pa nito ang madrasta niya na palayasin siya sa sarili nilang bahay. At para wala na lang gulo ay napilitan na lamang siyang umalis kahit pa nga hindi niya alam kung saan siya pupunta. Sa gitna ng kawalan ay makikilala niya si Macarius Villaverde. Ang lalaking guwapo at macho ngunit mapurol ang utak. At kagaya niya ay mahirap din ito ngunit may sariling bahay. Patitirahin daw siya nito ng libre sa bahay nito pero may kapalit. Kailangan niya lang daw itong tulungan na mapalayas ang mga kapatid nito sa labas na siyang nakatira na ngayon sa bahay na minana pa nito mula sa ina nito kaya naman labis-labis ang awa na nararamdaman niya para sa lalaki. Paano kung isang araw hindi na pala awa ang nararamdaman niya kung hindi pagmamahal na? Maintindihan kaya ni Macarius ang salitang pagmamahal gayong wala itong alam sa lahat ng bagay?
Updated at
My Secretary Is A Witch
Reads
Si Mercury ay napilitan na magpanggap bilang isang mangkukulam dahil nakiusap ang kaibigan ng mama niya na ina ni Kazimir. Ang bunsong anak daw kasi nito ay talaga namang babaero dahil hindi raw ito marunong makontento sa iisang babae. Madali lang naman daw ang gagawin niya. Magpapanggap lang siya na puro mga naloko ang kinukulam niya para kapag nalaman ito ni Kazimir ay matakot ito. Hindi naman sila nabigo sa plano nila dahil halatang natakot si Kazimir. Sa tuwing nababanggit kasi ni Mercury na isa siyang mangkukulam ay awtomatikong umiiwas ito sa mga babae. Pero, wika nga nila walang lihim na hindi nabubunyag. Nang minsan kasi na makipagkita si Mercury sa mama ni Kazimir ay lihim siyang sinundan ng binata. Doon natuklasan ng binata na hindi naman pala totoong mangkukulam ang sekretarya niya kaya lihim itong nagdiwang. Kaya pagpasok nito kinabukasan ay pinarusahan ito ng binata. Isang parusa na mauuwi sa mainit na pagtatagpo. Simula nang may mangyari sa kanila ni Kazimir ay hindi na nagpakita pa si Mercury dahil nahihiya ito sa ginawa nitong pagsisinungaling. Walang sino man ang nakakaalam kung nasaan ang dalaga kahit na ang sariling pamilya nito. Magpakita pa kaya si Mercury kay Kazimir o habang buhay na itong magtatago sa ama ng ipinagbubuntis nito? Mercury Hope Dela Cruz and Kazimir Alonzo's love story.
Updated at
Her Guardian Devil
Reads
Ang mga magulang nina Nicholai David Samaniego at Bea Clarisse Evangelista ay matalik na magkaibigan pero kabaligtaran ang sitwasyon nila ni Nick. Paanong hindi maiinis si Clarisse? Seryoso at tahimik si Nicholai pagdating sa ibang tao pero pagdating sa kaniya puro kagaguhan ang mga sinasabi nito. Halos araw-araw ay dinadayo pa siya nito sa bahay nila para lang buwesitin. Lagi rin itong nakabantay sa kaniya dahil iyon daw ang bilin ng kuya niya pati na ng mga magulang niya. Naroon ang ipagkalat nito na may mga alipunga raw siya. Marami raw siyang pigsa at kung ano-ano pang sakit na nakakahawa ang mga pinagsasabi nito dahilan para ayawan siya ng mga lalaking nanliligaw sa kaniya. Kapag may babae naman na naghahabol dito ay siya ang itinuturo nitong girlfriend kaya naman maraming babae ang nagagalit sa kaniya dahil mang-aagaw daw siya. Hanggang sa dumating ang isang araw na magpapabago sa sitwasyon nila ni Nicholai. Sa gitna kasi ng panganib ay umamin ito ng pag-ibig sa kaniya. Maniniwala na sana siya kaya lang pagkatapos nitong magtapat ay namilipit ito sa kakatawa. Kaya imbes na matamis na \'Oo\' ang isagot niya kay Nicholai. Isang malutong na sapak ang natanggap nito mula sa kaniya.
Updated at
Pleasing My Hot-Tempered Step Brother
Reads
Simula nang mamatay ang mga magulang nina Hendrick at Althea ay nagbago rin ang pakikitungo ni Hendrick kay Althea. Naging mahigpit kasi ang lalaki kay Althea kahit na ginagawa naman ng dalaga ang lahat ng gusto nito. Mabuti na nga lang at may mabuting puso si Althea dahil kahit kailan ay hindi nito pinatulan ang pagsusungit ni Hendrick Hanggang sa dumating ang isang gabi na magpapabago sa sitwasyon ng dalawa. Sa kalagitnaan kasi ng gabi ay umuwi si Hendrick ng lasing at doon ay may naganap sa dalawa. Simula noon ay unti-unting nagbago ang pakikitungo ni Hendrick kay Althea. Naging malambing ito at maalaga na ikinatuwa ni Althea ng husto. Subalit panandalian lang pala ang lahat. Kasabay kasi ng pagdating ni Isabel ay magbabago rin ang pakikitungo ni Hendrick kay Althea. Si Isabel daw kasi ang nag-iisang babae na minahal ni Hendrick sa buong buhay nito. Dahil doon ay napagdesisyunan ni Althea na iwanan si Hendrick at magpakalayo-layo. Paano kung sa huli ay si Hendrick naman ang maghabol kay Althea? Papapasukin pa kayang muli ni Althea si Hendrick sa buhay nila ng anak niya o iiwasan na ito dahil may Harry na sa buhay niya?
Updated at
My Pesky Neighbor
Reads
"How old are you?" tanong ni Ivan kay Shaira. "I'm twenty-two years old!" mabilis naman na sagot ng dalaga. Lagi na lang kasi nitong sinasabi na bata pa raw siya para rito. "And you? How old are you?" mayamaya ay tanong niya kay Ivan. "I'm fucking thirty-five years old!" Tumango-tango siya. "Thirteen years pala ang tanda mo sa 'kin." "Exactly! I'm thirteen years older than you. So, that should give you a proper clue. I don't get associated with a woman as young as you are. I don't make relationships because I hate responsibilities." "Ano naman ang masama doon? Mayroon pa nga diyan na halos kalahati ang pagitan ng mga edad, eh," nakanguso niyang sagot sa kapitbahay niyang lagi na lang siyang ipinagtatabuyan. "Just leave me alone! As I said, I prefer to be alone for life. Don't waste your time because I never imagine seeing you as my girl." "Wala akong pakialam kahit malaki pa ang agwat ng edad natin. For me, age doesn't matter." Pagkasabi noon ay umalis na siya kaagad sa harapan nito dahil baka mabulyawan na naman siya. Halos araw-araw kasi mainit ang dugo nito sa kaniya. Shaira Monique Torres- Dalawampu't dalawang taong gulang. Chef ng sarili niyang restaurant kung saan kumakain si Ivan. Unang kita niya pa lang sa lalaki nabihag na nito ang puso niya kaya naman gagawin niya ang lahat mapalapit lang dito. Ivan Blade Ariza- Presidente ng Vnet at nag-iisang anak na lalaki ng Director ng B.E.S. Guwapo, masungit at seryoso sa buhay. Kapitbahay niya si Shaira sa bagong bahay na binili niya. Araw-araw sinisira nito ang araw niya dahil napakakulit nito. Lagi itong sumusulpot mula sa kung saan na lalong ikinaiinis niya. Dalawang tao na magkaiba ang ugali at pananaw sa buhay. Magiging isa kaya sila pagdating ng araw? Ivan and Shaira's roller coaster love story.
Updated at