Titanic King
ABOUT ME
ABOUT ME
STORY BY Titanic King
A B C DEAD
Reads
Isang estudyante ang gustong patayin ng isang guro at prinsipal sa loob mismo ng paaralan. Ang dahilan? Ballpen. Ano ang gagawin mo kung isang gabi matagpuan mo na lang ang sarili mo na na-stranded sa paaralang pinapasukan dahil sa masungit na panahon kasama ang dalawang guro na gustong pumatay sa iyo? Makalabas ka pa kaya nang buhay? ************ Nang pahiyain ni Miya Antipasado ang dragon nilang Math teacher sa harap ng klase, ang buong akala niya ay tuluyan nang matatapos ang maliligayang araw nito. Nagkamali siya. Nang ipatawag si Miya sa Principal's Office, natuklasan niyang mas kinampihan pa ng kanilang prinsipal na si Mrs. Villarica si Ms. Velasco. Pinal na napagdesisyunan nito na tuluyan nang patalsikin si Miya sa Purvil High sa paniniwalang isa siyang masamang impluwensya sa mga estudyante na hindi dapat pamarisan. Pero agad na tumaas ang tensyon sa loob ng opisina nang traydurin si Miya ng kanyang matalik na kaibigan at ibunyag sa mga ito na palihim na kinuhanan ni Miya ng video ang ginawang pamamahiya kay Ms. Velasco, at patuloy pa rin niyang kinukuhanan ng video ang pag-uusap nila ngayon. Nalaman din ng mga ito na balak i-post ni Miya sa social media ang mga video para ipahiya sila at mapatalsik sa Purvil High. Kasunod ng pagdating ng malakas na bagyo, dumanak ang dugo sa loob ng Principal's Office, at sa nagdidilim na diwa ni Miya napagtanto niya na handang pumatay sina Mrs. Villarica at Ms. Velasco mapagtakpan lang ang pinakatatagong sikreto ng mga ito. Makalabas pa kaya nang buhay si Miya sa paaralang pinalalakad ng mga taong may maiitim na puso at naglalagablab na galit?
Updated at
Ang Bestfriend kong Robot
Reads
Mahilig sa robotics ang siyam na taong gulang na si Princess. Kaya naman pangarap niya ang makalikha ng isang robot na magtatanggol sa kanya laban sa bully niyang nakatatandang kapatid na si Prince. Lalong umigting ang kanyang pagnanais na maisakatuparan ang kanyang pangarap nang walang awang sirain ni Prince ang kanyang nililikhang robot. Sa gitna ng paghikbi at nagpupuyos niyang kalooban ay naisigaw niya ang mga katagang "Just wait and see, Kuya Prince. I will finish my robot and it will defeat you!" Isang araw, habang nag-iisa sa kanilang tahanan, isang malakas na pagbagsak ang gumising sa natutulog na si Princess. Sa kanyang pagsisiyasat, natuklasan niya ang isang walang malay na nilalang na nakahandusay sa kanilang bakuran: isang batang lalaki na kasing-itim ng uling at may nagbabagang mga mata. Malinaw na bumagsak ito mula sa langit. Isang robot, sigaw ng isip ni Princess habang pinagmamasdan ang estranghero. Dahil sa angkin niyang talino at kaalaman pagdating sa robotics, matagumpay niya itong nakumpuni at napagana. 404 ang pangalan ng robot. Naging kaibigan niya ito at pagdaka'y naging tagapagligtas laban sa kanyang kapatid na si Prince. Tinuruan niya si 404 kung paano maging mabuti at matulungin sa tao. At kung paano nito gagamitin ang natatanging abilidad sa ikabubuti ng nakararami. Lingid sa kaalaman ni Princess, likha ng isang baliw at masamang scientist si 404. Nilikha ito upang maging special weapon ni Professor Radike. Gusto nitong mapasakamay at masakop ang buong Isla Kahel maging ang buong Pilipinas gamit si 404. Ngunit sa hindi inaasahang pangyayari, sumabog at bumagsak ang sinasakyang private jetplane ng Professor at ni 404. Tanging si 404 lang ang nakaligtas na nagtamo ng matinding pinsala, na kalaunan ay nag-malfunction at bumagsak sa bakuran nina Princess. Isang araw, may naganap na bank robbery at hostage-taking sa kanilang lugar. Dala ng pakiusap ni Princess, pumayag si 404 na puntahan ang nasabing bangko para iligtas ang mga hostage. Subalit sa hindi inaasahang pangyayari, pinatay ni 404 ang mga holdaper. Dumanak ang dugo, at maging ang ilan sa mga pulis na rumesponde ay napaslang ng robot. Nakita ito lahat ni Princess sa telebisyon. At nang makitang pabalik na sa kanilang tahanan ang napinsalang si 404, agad na humingi ng tulong si Princess kay Prince. Mabilis silang umalis at nagtungo sa kalapit na kagubatan upang magtago. Lingid sa kaalaman ni Princess, pinagpaplanuhan siyang patayin ni Prince, at palalabasing aksidente. Sa loob ng kagubatan, natagpuan nila ang isang matandang ermitanyo na tumulong sa kanila upang takasan si 404. Saktong papatayin na ni Prince si Princess nang biglang lumitaw si 404 hawak ang bangkay ng kanilang ina. Bulag sa matinding galit, sinugod ni Prince ang robot. Walang alinlangan itong pinaslang ni 404. Mabilis na tinungo ng matandang ermitanyo si Princess at sinubukang itakas, subalit nasugatan ito ni 404 sa binti. Bago patayin, inihayag ni 404 sa matanda at kay Princess ang balak niya na sakupin ang buong isla maging ang buong Pilipinas gaya ng matagal nang pangarap ng kayang tagapaglikha. Gagawin nitong totoong prinsesa si Princess at magkasama nilang paghaharian ang buong sangkatauhan, bagay na tinutulan ni Princess. Nang papatayin na ni 404 ang matandang ermitanyo, saka lang naalala ng matanda ang kanyang nakaraan...Ito pala si Professor Radike na inakala ni 404 na nasawi na mula sa bumagsak nilang eroplano. Nalagutan ng hininga ang matanda, at ilang minuto lang ay tuluyan na ring sumabog si 404.
Updated at